Një person qëlloi me armë ndaj një makine në Shkodër në pronësi të Elvis Hoxhës.
“Rreth orës 20:10, në lagjen Partizani, në Sheshin Rus, nga një person që qarkullonte me një motomjet pa targa është qëlluar me armë zjarri në drejtim të automjetit tip Peugeot të parkuar, në pronësi të shtetasit Elvis Hoxhës
Nga të shtënat janë shkaktuar vetëm dëme materiale në automjetin e shtetasit Hoxhës si dhe dëmtime të lehta dhe në një automjet të parkuar afër automjetit tip Peugeot”, njoftoi policia e Shkodrës.
Pas marrjes së njoftimit shërbimet e Policisë dhe Grupi Hetimor kanë shkuar menjëherë në vendngjarje dhe po punojnë për sqarimin e rrethanave, identifikimin dhe kapjen e autorit dhe të drejtuesit të motomjetit që lëvizte autori.
Ndërkohë janë ngritur pika kontrolli dhe po ushtrohen kontrolle në zonë dhe ambiente të ndryshme ku dyshohet se mund të jenë fshehur autori dhe bashkëpuntori i tij, drejtuesi i motomjetit. m.k
