Kryeministri Edi Rama u rezervua sot ti dilte në krah Erion Veliajt kur u pyet nëse Veliaj do të vijojë të jetë një person i rëndësishëm i PS. Rama u takua me gazetarë në një konferencë shtypi.
PYETJE: Zoti kryeministër, sërish drejtësia. Unë e di që ju nuk do të flisni për drejtësinë, për vendimet e drejtësisë pasi në çdo konferencë ka ndodhur e njëjta gjë, por ju vendosni për bashkëpunimin politik. Duke nisur me rastin që Erion Veliaj, një nga figurat e rëndësishme të Partisë Socialiste, jo vetëm si kryetar i Bashkisë së Tiranës, por edhe si drejtues politik, a i cënohet jeta politike në Partinë Socialiste Erion Veliajt pas nisjes së hetimit nga SPAK ndaj tij?
PËRGJIGJE/,Kryeministri Edi Rama: Përkohësisht, di që Erion Veliajt i cënohet jeta e tij familjare nga gjyqi publik i bërë jo nga institucioni përkatës, por nga të gjithë ata që janë angazhuar në atë gjyq. I cënohet dinjiteti nga prokurorë dhe gjykatës të ulur nëpër klube mediatike apo të fshehur pas ekraneve të portaleve e të socialeve. Këtë e di me siguri. Ndërsa përsa i përket pjesës tjetër, nuk bën përjashtim askush nga ajo që unë kam thënë që në fillim. Unë nuk bëj komente për çështjet që i takojnë institucioneve të drejtësisë. Mund të bëj koment, deri më sot, kjo mund të ndryshojë. Kur të ndryshojë duhet të ketë një arsye shumë të fortë dhe pastaj do ta ndaj me ju ,por deri sot ky është qëndrimi im. Mund të bëj koment për ndonjë vendim të formës së prerë siç kam bërë për një shpifësh recitiv për një vendim që ka qenë një nga vendimet më të drejta dhe më të mirëseardhura për mua në këtë vend ku shpifja është bërë mbret dhe e vërteta është kthyer në skllav. Ndërsa sa i përket rastit konkret nuk përbën përjashtim por ama është pak por e sigurt që linçimi publik i kryetarit të bashkisë është i neveritshëm dhe që kërkimi i gijotinës për të është skandaloz. Këto janë komente meqë më pyetët por për më shumë nuk kam.
