Edhe pse skandali është publikuar para gati dy vitesh në lidhje me faktin se Rakip Suli, Kryebashkiaku i Kamzës, ka ndërtuar pallate të rindërtimit në një zonë të shpallur ‘të rrezikshme’ nga institucionet kombëtare dhe ekspertët, është gjë e mirë se përfaqësues të PD në Kamzë e rikthejnë këtë skandal.
“Pavarësisht paralajmërimeve të qarta nga Agjencia Kombëtare e Burimeve Natyrore (AKBN) dhe Drejtoria Minerare, Rakip Suli ka shpërfillur këto rekomandime dhe ka lejuar ndërtimet mbi një zonë të paqëndrueshme, duke rrezikuar jetën e qytetarëve dhe duke shpërdoruar hapur detyrën.
Rekomandimet e AKBN dhe Drejtorisë Minerare, të detajuara në dokumentin zyrtar të datës 4 janar 2021, tregojnë se zona e ish-minierës Valias është e rrezikshme për ndërtim për shkak të hapësirave të paqëndrueshme nëntokë. Rakip Suli ka shpërfillur këto paralajmërime dhe ka lejuar ndërtimin e ndërtesave shumëkatëshe në këtë zonë, duke vepruar në kundërshtim me ligjin”, deklaroi sot anëtari i Këshillit Kombëtar, Arjan Hoxha.
Në vijim ai theksoi shkeljet ligjore dhe penale të Rakip Sulit: Shpërdorimi i detyrës (Kodi Penal, Neni 248): Rrezikimi i jetës së qytetarëve (Kodi Penal, Neni 289): Moszbatimi i Ligjit për Planifikimin Urban (Ligji Nr. 8402): Në emër të partisë Demokratike i bëj sot thirrje për veprim SPAK-ut. “Rakip Suli duhet të mbajë përgjegjësi të plotë për veprimet e tij, si në lidhje me ndërtimet në zonën e Valiasit, ashtu edhe për manipulimet zgjedhore. Organet e drejtësisë duhet të ndërhyjnë menjëherë për:
Hetimin e Rakip Sulit për shpërdorim të detyrës dhe veprime të tjera penale.
Parandalimin e ndërtimeve të mëtejshme në zonën e rrezikshme të Valiasit.
Garantimin që Rakip Suli të japë llogari për manipulimet zgjedhore dhe të gjitha shkeljet e tjera ligjore”, shpjegoi Hoxha.a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
