163 policë janë arrestuar gjatë vitit 2024, osr 61 policë më shumë se një vit më parë.
Ndërkaq AMP ka bërë në prokurori 291 referime për 444 punonjës policie, për vepra të ndryshme penale. Të dhënat tregojnë se gjatë vitit 2024 është rritur ndjeshëm numri i efektivëve të arrestuar me masë sigurie të dhënë nga gjykata në masën prej 60%.
Të dhënat tregojnë se nga viti në vit janë rritur ndjeshëm referimet penale, me 25 %, si dhe 32 % të numrit të punonjësve të referuar.
Me rritje ka qenë edhe hetimi me anë të përgjimeve dhe metodave proaktive, me 33 % në krahasim me vitin 2023. Hetimet kanë treguar se të implikuar në korrupsion e shpërdorim detyre kanë qenë jo vetëm inspektorë dhe efektivë të rangjeve të ulëta, por edhe drejtues policie, thuhet në një njoftim nga AMP. r.k
