Erion Veliaj përfundon dëshminë në SPAK pas më shumë se 5 orësh: “Do të flas live”
Pas 5 orësh e 20 minutash në ambientet e SPAK, kryetari i Bashkisë së Tiranës, Erion Veliaj, ka përfunduar dëshminë e tij. Në dalje, ai ka shmangur detajet për mediat duke deklaruar shkurtimisht: “Do të flas live.”
Besohet se Veliaj është marrë në pyetje për një hetim të regjistruar nga SPAK që lidhet me akuzën e “korrupsionit pasiv të funksionarëve të lartë shtetërorë dhe të zgjedhurve vendorë.”
Pak ditë më parë, BKH, me urdhër të SPAK, ka sekuestruar celularin e bashkëshortes së Erion Veliajt, Ajola Xoxës, pas një kontrolli të zhvilluar në banesën e tyre. Ky veprim u krye ndërsa kryebashkiaku nuk ndodhej në Shqipëri, duke shtuar më tej tensionin në lidhje me këtë çështje.
Ndërkohë, mbetet për t’u parë se çfarë detajesh do të zbulojë Veliaj gjatë deklaratës së tij live, të cilën ai e paralajmëroi për mediat. Situata pritet të zhvillohet më tej në ditët në vijim, ndërsa SPAK vijon hetimet mbi këtë dosje delikate.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
