Policia e Shtetit tha këtë mbrëmje se nuk e ka goditur n/kryetarin e Parlamentit Agron Gjekmarkaj por se ai nuk ka qënë mirë vetvetiu.
“Policia e Shtetit përgënjeshtron si tërësisht të pavërtetë deklaratën në media të z. Sali Berisha, ku pretendoi se deputeti Agron Gjekmarkaj është goditur nga punonjësit e Policisë.
Deputeti Gjekmarkaj nuk është goditur nga asnjë punonjës policie, por, nga të dhënat e para, rezulton se ai nuk është ndjerë mirë nga ana shëndetësore dhe është larguar nga protesta”, deklaroi policia.
Gjekmarkaj do të vijojë për një natë në spital ndërkohë që po i nënshtrohet kontrollit mjekësor.
Kreu i PD, Sali Berisha ka shkuar në ambientet e Spitalit të Traumës për ta vizituar Gjekmarkajn.
“E kanë sulmuar 15 policë në mënyrë të dhunshme”, tha Berisha duke kundërshtuar versionin e Policisë së Shtetit.
Kryetari i PD, Sali Berisha ka mbërritur në spitalin e Traumës për të parë nga afër gjendjen shëndetësore të nënkryetarit Agron Gjekmarkaj, i cili mbeti i lënduar si pasojë e dhunës së ushtruar nga narkopolicia.
Berisha është njohur nga afër me gjendjen shëndetësore të Agrion Gjekmarkajt, i cili ndodhet i shtruar në spital pas dhunës së policisë në protestën e opozitës, të mbajtur këtë të hënë në Tiranë. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
