Televizioni top channel ka nisur “Big Brother Vip” edicioni i katërt, pas suksesit që përjetuar në edicionin e fundit që u drejtua nga Ledion Liço.
Ai drejton edhe këtë edicion ndërsa bashkë me të në studio ndodhen dy opinionistët e Big Brother Vip, Arbër Hajdari dhe Neda Balluku.
“Kam bërë mirë që i kam besuar zemrës sime, edhe sot si për ironi të bukur të fatit jemi në Big Brother Vip 4. Jam shumë e lumtur që jam këtu, faleminderit për besimin”, u shpreh Neda Balluku.
“Media më e madhe e shqiptarëve bën programin më të madh të shqiptarëve me produksionin më profesionist që unë kam njohur në gjithë trojet shqiptare dhe padyshim nuk kisha si të mos isha pjesë”, u shpreh Arbër Hajdari.
Këngëtari Klajdi Musabelliu është banori më i ri i shtëpisë së BBV4. Këngëtari u prek pas dhënies së klipit të prezantimit dhe më pas kënduan këngën e ditëlindjes për mamanë e tij. G-Bani është banori i dytë i shtëpisë. Ai realizoi performancën me këngën virale me Anxhela Peristerin.
Më pas Gili & Redoni është futur mbrëmjen e sotme në Big Brother VIP 4. Tashmë nënë e bir janë banorët e rinj të BBV4. Zebervoki është banori i radhës që bëhet pjesë e shtëpisë, ai bëri një hyrje të pazakontë… me gomar.
Edhe një gazetare, Valbona Mhilli, është bërë pjesë e shtëpisë. Ols Abazi është banori tjetër që bëhet pjesë e shtëpisë së Big Brother VIP 4.
Egli Tako është një tjetër banore në shtëpinë e Big Brother VIP 4. Ajo mbeti e surprizuar nga arredimi i shtëpisë, teksa nuk nguroi të zgjedhë sa më shpejt krevatin, përpara hyrjes së banorëve të tjerë.
Reality shoë shpesh interferon me politikën dhe figurat e krijuara brenda shtëpisë së mbyllur përdoren më pas jashtë. Edicionin e kaluar fituesi Luiz Ejlli u përdor në fushatën lokale në Shkodër për Partinë Socialiste e po ashtu edhe në Tiranë nga kryetari i bashkisë, Erion Veliaj.
Kësaj here BBV koncidion me zgjedhjet parlamentare të vitit 2025 që mbahen më 11 maj. r.k
