Simaku
Një video e shfaqur në një tv amerikan me të pastrehë në Nju Jork ka risjellë këngëtaren ikonike shqiptare Parashqevi Simaku në vëmëndje të opinionit. Në video ku dyshohet se është vetë ajo, Simaku, gjithnjë ende dyshim, duket e shndërruar në një grua në nevojë që pranon ndihma nga fëmijët në një zonë të frekuentuar nga të pastrehë. Ajo shfaqet teksa merr një batanije dhe sende të tjera duke falenderuar për dhuratat.
Video është transmetuar nga gazetari Blendi Fevziu duke sjellë një vëmëndje të gjerë ndaj këtij momenti dhe këngëtares së mbetur keq.
Ka pasur reagime të shumta ndërkohë që ka ndërhyrë edhe kryetari i bashkisë së Kavajës, Fisnik Qosja.
“Parashqevi Simaku, është vajza nga Kavaja që me zërin e saj të artë ndriçonte kombin shqiptar në momentet e veta më të zymta! Ajo është një ikonë dhe një krenari e Kavajës!
Pasi pamë pamjet e transmetuara nga gazetari Blendi Fevziu, nuk më mbetet gjë tjetër veç se të lajmëroj publikisht se Bashkia Kavajë, Këshilli Bashkiak dhe i gjithë komuniteti kavajas, ka mundësinë dhe detyrën ta mbështesë siç i takon një artiste të madhe si Parashqevi Simaku si dhe të tregojë mirënjohjen më të thellë për gjithë çfarë na ka dhuruar përgjatë viteve!
Kavaja është gjithmonë shtëpia e saj dhe do ta presë gjithmonë siç i takon një ikone të ndritur si ajo!”, ka deklaruar kryetari i bashkisë së Kavajës, Fisnim Qosja.
Simaku u divorcua me bashkëshortin e saj në vitin 2006, me të cilin ka një djalë, sot 22 vjeç, por nuk dihen detaje nga jeta e saj tani dhe nëse është në vështirësi ekonomike, apo nëse përballet me probleme të tjera. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
