Sapo ka hedhur eksplozivin
Policia e Vlorës ka publikuar pamjet e momentit kur vendoset eksploziv në një lokal në Ujin e Ftohtë në Vlorë nënpronësi të Bledar Bircaj, ndërsa ka arrestuar autorin e dyshuar.
”U bë i mundur ndalimi i shtetasit Beqir Selamaj, alias Beqir Murati, 28 vjeç, banues në lagjen “Isa Boletini” dhe me precedentë penalë në fushën e narkotikëve dhe vjedhjes së pasurisë.
Nga hetimet rezulton se ky shtetas dyshohet të jetë autor i vendosjes së lëndës eksplozive më datë 08.12.2024, rreth orës 05:50, në një lokal, në lagjen “Uji i Ftohtë”, në pronësi të shtetases Resnie Bircaj, 73 vjeçe, ku si pasojë e shpërthimit janë shkaktuar dëme të konsiderueshme materiale”, njoftoi policia e Vlorës.
Gjatë operacionit, përmes veprimeve të koordinuara dhe mbështetura në prova shkencore, u sekuestruan në cilësinë e provave materiale dy telefona celular, një biçikletë dhe veshjet e përdorura gjatë ngjarjes. a.b
