Kombëtarja shqiptare kaloi në avantazh në ndeshjen me Gjeorgjinë që po luhet në Tbilisi, vetëm 3’ pas nisjes së pjesës së dytë.
Shqipëria përballet me Gjeorgjinë në transfertë, në ndeshjen e vlefshme për raundin e katërt në Ligën e Kombeve.
Goli u shënua në min 48 pas pasimit të Bajramit nga e majta te Tuci, i cili bën spondin për Asllanin, me mesfushorin që lëshon një gjuajtje të fortë dhe e ndal topin në rrjetë.
Shqipëria i afrohet golit të dytë vetëm pak minuta më vonë. Pas një pasimi të marrë nga Asani në zonë, Bajrami gjuan direkt, por topi shkoi ngjitur me tranversën. Futbollisti i Shqipërisë nuk i beson syve.
Kuqezinjtë e Silvinjos do të kërkojnë me çdo kusht fitoren, për të shpresuar te vendi i parë në grup, pasi një tjetër disfatë do të vështirësonte shumë. a.b
