Kryeministri Edi Rama ka mohuar sot të ketë dhënë ndonjë detyrë, post apo përgjegjësi për Mark Markun, ish deputet i PD, pedagog dhe aktualisht dekan i Fakultetit të Histori Filologjisë.
Rama u përgjigj përmes X në lidhje me një shkrim sipas të cilit Marku do të drejtonte një projekt të qeverisë në lidhje drejtën e informimit.
“LAJM I RREMË
Sigurisht të tilla rrena ka përditë me shumicë në kanalet pa filtra e as higjenë minimale që informojnë shqiptarët, por e bëj këtë përgënjeshtrim vetëm në respekt të faktit që zoti Mark Marku ka ardhur qytetarisht në Podkastin FLASIM dhe më takon t’ia kthej respektin, si njeri me të cilin s’kemi as të njëjtat bindje politike, as varësira të asnjë natyre në punët tona”, shkruan Rama në X. a.b
