Kalaja, padi për 57 tendera në SPAK. Njëri prej tyre sërish lidhje me një vëlla

Anëtarja e Komisionit të Apelimit në Partinë Demokratike, Adriana Kalaja, paditi sot në SPAK 57 tendera në kushtet e konfliktit të interesit mes të cilëve edhe një tender ku dyshohet si i përfshirë në konflikt interesi, kreu i bashkisë Erion Veliaj.

‘Janë 57 tendera gjithsej të përfituar nga këta persona, është në limitet e fondit limit, pra gati sa fondi limit, dhe nga ana tjetër rezulton se edhe kompanitë që janë në emër të djalit dhe vajzës së këtij personi që duhej të skualifikohej, kanë përfituar tenderin e parcaktuar, dhe të gjithë provat që ne paraqesim sot në SPAK, tregojnë qartazi jo vetëm për konsumimin e veprave penale të shpërdorimit të detyrës, të korrupsionit pasiv por nga ana tjetër ka dyshime të arsyeshme që janë konsumuar dhe veprat penale të shkeljes së barazisë në tendera, pastrim i produktit të veprave penale dhe mbi të gjitha, nisur nga numri i madh i personave, ne kemi dyshime të arsyeshme se jemi përpara edhe të një grupi të strukturuar kriminal, se janë po të njëjtët persona të cilët gjatë fushatave elektorale dalin në terren, blejnë vota pra konsumojnë dhe elementë të veprave penale të kodit zgjedhor.

Nga ana tjetër kemi sjellë serish kryetarin bashkisë Tiranë, Erjon Veliaj, po për një tender të dyshimtë , tender i cili ka dalë me flamur të kuq, dhe bëhet fjalë për një kompani interneti , ku rezulton sipas gjithë provave që kemi sjellë në SPAK, që menaxheri i kësaj kompanie që ka fituar tenderin pranë bashkisë Tiranë është vëllai i kryebashkiakut. Jemi përpara një konflikti të pastër interesi dhe mbi të gjitha ka abuzime në lidhje me këto shumat, ku siç e thash edhe me sipër shumat e tenderave fitohen në mënyrë të paracaktuar, pra jemi përpara veprës penale të ushtrimit të ndikimit të paligjshëm, por mbi të gjitha kemi një shpërdorim të fondeve publike duke kaluar në fitues të paracaktuar dhe vlera e tenderave është në vlerën e fondit limit”, deklaroi Kalaja për mediat e pranishme para SPAK. a.b

/DRONI.al/