Refuzimi i komisionit ‘Xhafaj’ nga institucionet e drejtësisë, Berisha: Luftë klanesh për të treguar se gjasme janë të pavarur

Refuzimi i komisionit ‘Xhafaj’ nga institucionet e drejtësisë është komentuar sot nga kreu i PD, Sali Berisha. Luftë klanesh për të treguar se gjasme janë të pavarur nga Rama, e ka konsideruar Berisha refuzimin zinxhir të komisionit.

“Për sa u përket këtyre, këto janë një përpjekje për të treguar, janë një luftë klanesh, me të cilat duan të provojnë se janë të pavarur nga Edi Rama.
Por unë nuk marr për bazë këto. Marr për bazë veprimet e tyre antikushtetuese, veprimet e tyre antiligjore me të cilat ato kanë damkosur përfundimisht sistemin e drejtësisë!”, tha kreu i PD.

Në vijim ai solli disa fakte që sikurse tha Berisha mbështetin deklaratat e tij ndaj SPAK.

“Nuk them unë se Skapi është i kapur.
Që Skapi është i kapur nga Edi Rama, fakton një seri dosjesh me firmën e Edi Ramës, djegësi i Tiranës, 130 milionë euro që nuk ekziston as nam as nishan, dhe që ka firmën e paligjshme të Edi Ramës për 8 përqind bonus për një kompani që nuk ekzistonte.
Nuk ka asnjë qëndrim ndaj Ilir Beqës dhe Edi Ramës për sterilizimin rreth 80 milionë euro që rriti çmimin e sterilizimit të paketës kirurgjikale 83 herë.
Nuk ka asnjë qëndrim për ndrikull Nushin, bashkëshorten e kushëririt të Edi Ramës, të cilës ata që nuk marrin dot ilaçet për sëmundjet më të rrezikshme, i paguajnë për analiza që nuk janë bërë kurrë për mbi gjysmë milioni shqiptarë.
Nuk hapi çështje për Amant Josifin, që ka vjedhur 2 miliardë euro qytetarëve perëndimorë nën ombrellën e Edi Ramës.
Nuk jam unë, por këto janë të vërteta që kanë nisur të kundërmojnë edhe në kancelaritë e mëdha perëndimore.
Por e vërteta nuk ka shpejtësinë e gënjeshtrës”, tha Berisha. a.b

/DRONI.al/