Deputetët socialistë në Parlament kërkuan sot përmes një shkrese përjashtimin e 24 deputetëve të Partisë Demokratike pas tensionit në seancën e sotme parlamentare.
Ata kërkojnë përjashtimin e deputetëve Gazmend Bardhi, Flamur Noka, Bledion Nallbati, Edi Paloka, Saimir Korreshi, Lefter Gështenja, Luan Baçi, Dashnor Sula, Agron Gjekmarkaj, Dhurata Çupi, Xhelal Mziu, Ina Zhupa, Zheni Gjergji, Helidon Bushati, Lindita Metaliaj, Ramadan Lika, Asllan Dogjani, Qani Xhafa, Flamur Hoxha, Isuf Çela, Kastriot Piroli, Lodovik Hasani, Kasem Mahmutaj, Edmond Spaho, Gazment Bardhi, Flamur Noka, Bledion Nallbati.
Ata kërkojnë mbledhjen e Sekretariatit për Procedurat, Votimet dhe Etikën dhe kërkon që ndaj tyre të merret masa disiplinore.
Në lidhje me protestën reagoi nga qelia edhe deputeti Ervin Salianji.
“Mbështes plotësisht çdo formë proteste të kolegëve të grupit parlamentar.
Edi Rama i ka hapur luftë opozitës me burgosje politike!
Përgjigjen do ta marrë nga shqiptarët!”, shkruan ai në rrjetet sociale.
Ndërkohë pak më herët komentoi edhe vendimin e Spiropalit për zëvëndësimin e tij.
“Sot me vendimin politik të Edi Ramës, socialistët vendosin ta fshijnë emrin tim nga rradhët e opozitës në Parlament, duke hequr mandatin e dhënë nga qytetarët e Korçës!
Jam krenar që në çdo ditë të ekzistencës time politike i kam shërbyer vetëm interesit të qytetarëve! Edhe nga burgu politik do të vazhdoj të jem tmerri i atyre që mendojnë se me izolimin tim do të më mbyllin gojën.
Asgjë nuk më ndal! Beteja politike vazhdon!”, shkruan Salianji nga qelia. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
