ish deputeti i PD, Gert Bogdani ka ndërruar jetë papritur mesditen e kësaj të mërkure. Nga të dhënat e para mësohet se shkak është bërë një arrest kardiak ndërsa u godit kur po qëndronte në hotel Rogner në Bulevardin Dëshmorët e Kombit.
Ai ka qënë duke konsumuar kafe me miqtë dhe papritur nuk është ndjerë mirë dhe ka shkuar në tualet. Pasi u vonua miqtë u shqetësuan dhe më pas e kanë gjetur pa ndjenja. Ambulanca ka mbërritur por Gerti nuk ka mbijetuar dot.
Bogdani ndërroi jetë në moshën 44-vjeçare. Ai lindi më 7 korrik 1980 në Tiranë, deputet i Partisë Demokratike në Kuvendin e Shqipërisë, sekretar për marrëdhëniet me jashtë në këtë parti dhe funksione të tjera deejtuese.
Gerti Bogdani, ishte babi i dy fëmijëve, të ardhur nga martesa me aktivisten e njohur, Edlira Çepani.
Policia ka dhënë detajet e para në lidhke me këtë ngjarje.
“Më datë 18.09.2024, rreth orës 11:30, në ambientet e një hoteli në bulevardin “Dëshmorët e Kombit”, është gjetur pa ndjenja shtetasi G. B., 45 vjeç. Ky shtetas është transportuar në spital për ndihmë mjekësore, por ka ndërruar jetë.
Nga veprimet e kryera paraprakisht dyshohet se vdekja ka ardhur për shkaqe natyrale”, thuhet në njoftimin e policisë së Tiranës.
Fill pas lajmit, Komisioni i Mandateve në Kuvend ndërpreu mbledhjen me kërkesën e deputetit Gazment Bardhi.
“Sapo është konfirmuar se kolegu ynë, Gert Bogdani sapo ka ndërruar jetë. Ky lajm është tronditës dhe shumë i rëndë për ne kolegët e tij në PD, por edhe për kolegët e tij në Kuvendin e Shqipërisë. Kërkërjon ndërprerjen e mbledhjes”, tha Bardhi.
Ndërsa kryetarja e Këshillit të Mandateve, Elisa Spiropali shprehur ngushëllimit për ndarjen nga jeta të ish-deputetit demokrat.
“Të prehet në paqe kolegu ynë Gert Bogani. Ngushëllime nga zemra, familjes së tij u pretë në paqe”, u shpreh Spiropali.
Redaksia e droni.al shpreh ngushëllimet më të thella familjes së Gertit për këtë humbje të rëndë e të papritur.a.b
