Kreu i PD, Sali Berisha tha sot se vjedhja 50 milionë euro me tunelin e Llogarasë ndodhi sepse kryeministri Rama firmosi në Ankara pasi kompania fituese turke është shumë e afërt me Erdoganin.
PJESË NGA FJALA E BERISHËS/ Burimi, strumbullari i dramës që po luhet mbi shqiptarët është Edi Rama, i cili ndërton rrugë me 30 milionë euro kilometri, me 20 milionë euro kilometri, me 25 milionë euro kilometri.
Ndërton rrugë duke vjedhur pra 80-90 përqind të parave që nevojiten për ndërtimin e tyre.
Është Edi Rama, ai që vodhi me një dorë me lubinë e tij Ballukun 50 milionë euro në tunelin e Llogarasë.
Pasi bënë tenderin dhe njëra kompani paraqiti ofertën me 140 milionë, kompania tjetër me 190 milionë euro, tenderi iu dha kësaj të dytës.
Dhe e dyta, në kundërshtim me ligjet e këtij vendi, por në përputhje me xhepin dhe kontot e Edi Ramës, shpalli kompaninë e dytë nënkontraktor.
Të gjitha këto veprime u firmosën në Ankara për shkak se kompania turke ishte shumë e afërt me presidentin e Turisë, Rexhep Taip Erdogan.
Miqtë e mi, është bërë e zakonshme. Edi Rama të blejë influenca, të blejë fjalime, të blejë vizita, të blejë zyrtarë për t’i vërsulur kundër demokracisë shqiptare.
Nuk ka në histori një armik më të egër për demokracinë dhe lirinë e shqiptarëve se Edi Rama.
Gjithçka si në një film shndërrohet, të gjitha këto vjedhje shndërrohen në parajsë për Edi Ramën dhe ministrat e tij.
Shndërrohen në varfëri, mjerim, krim dhe votë. r.p
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
