Shkrimtari dhe gazetari nga Prishtina, Ali Mehmetaj u nda nga jeta me 16 korrik.
Ali Mehmetaj vdiq në Klinikën pulmologjike në spitalin e Prishtinës pas një sëmundje të rëndë.
Varrimi i shkrimtarit dhe humoristit, Ali Mehmetaj u krye në varrezat e katundit të Dubovës së Madhe, vendlindjen e tij, komuna e Pejës.
Ali Mehmetaj u lind në Pejë, në vitin 1950. Shkollën fillore dhe te mesme e kreu në Peje. Studimet për Gjuhën dhe Letërsinë shqipe i kreu ne Universitetin e Prishtinës. Ka punuar gazetar, redaktor, kryeredaktor dhe botues i disa revistave, si: “Kosovarja” “Horri”, “Morri” “Anza”, “Dardania”, “Titanik”, “Vizatori” dhe “Verbi”.
Ali Memetaj ka punuar dhjetë vjet në Televizionin e Prishtinës deri sa u dëbua nga policia serbe me dhunë nga puna.
Është autor i veprave: “Fytas”, tregime, Rilindja, Prishtine, 1988; “Gungaçi dhe Djali”, tregime, Rilindja, Prishtine, 1996; “Kësula Magjike”, përralla për femije, Rilindja, Prishtine, 1996; “Pse shqiptaret nuk kanë mend”, tregime humoristike, Titanik, Prishtine, 2008; “Një Përmendore për Gomarin”, komedi, Titanik e cila është vënë në skenën e Teatrit Kombëtar, “Njeriu Misterioz”, komedi, Titanik, Prishtine, 2008. “Njeriu me Sidë” “, roman humoristik. Titanik, Prishtine, 2023. “Jeta pas Vdekjes”, roman humoristik, Titanik, Prishtine 2023. “I kthyeri nga ISISI”, drame, Titanik, Prishtinë 2023. “I kthyeri nga Parajsa” “, komedi, Titanik, Prishtine 2023.
Është botues i romaneve të letërsisë botërore, i librave psikologjik dhe te biznesit. Ka rishkruar dhe adaptuar romanet: “E fshehta e vulës se blertë” të Hana Ozhogovska, : “Robinson Kruzo” të Daniel Defos dhe “20.000 milja nën det” të Zhyln Vernit etj. Ai ka jetuar dhe vepruar në Prishtinë. r.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
