Kandidati për presidenti Donald Trump u qëllua me armë të shtunën në mbrëmje gjatë tubimit të tij në Butler, Pensilvani. FBI thotë se ishte një atentat.
Trump u qëllua nga një plumb i vetëm në pjesën e sipërme të veshit të djathtë, ndërsa forcat e sigurisë e mbuluan atë dhe e tërhoqën nga mitingu.
Nga të shtënat e atentatorit mbeti i vdekur një pjesëmarrës në miting dhe dy të tjerë janë plagosur rëndë.
Oficerët e FBI qëlluan për vdekje autorin e atentatit.
Fill më pas Trump transmetoi në rrjetet sociale se ai u qëllua dhe u godit nga një plumb në “pjesën e sipërme të veshit tim të djathtë”. Shërbimi Sekret tha se ish-presidenti është i sigurt pasi u nxor nga skena me gjak në fytyrë.
FBI e ka identifikuar personin e armatosur si Thomas Matthew Crooks, 20 vjeç, nga Bethel Park, Pensilvani. Autoritetet thonë se ai qëlloi disa herë nga çatia e një ndërtese jashtë vendit të tubimit, përpara se të vritej nga agjentët e Shërbimit Sekret.
Dëshmitarët okularë përshkruan një skenë “të përgjakshme” dhe kaotike. “Ishte kaos dhe çmenduri,” tha një pjesëmarrës në tubim.
Presidenti Joe Biden foli me Trump pas të shtënave. Biden denoncoi dhunën në komentet e së shtunës mbrëma dhe tha në një deklaratë më herët se ai është ishte i kënaqur që Trump është i sigurt dhe ia doli atentatit.
Biden, i cili po planifikonte të qëndronte në Delaware për fundjavën, u kthye në Shtëpinë e Bardhë më herët se sa ishte planifikuar, në mënyrë që të mund të vazhdonte të merrte informacione nga forcat e zbatimit të ligjit. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
