Astrit Avdylaj, i njohur me nofkën ‘Niçja’ i Shijakut është arrestuar nga policia këtë mesditë. Avdylaj u gjet në Shijak ndërsa ishte shpallur në kërkim nga SPAK pasi dilte në bisedat e aplikacionit Sky Ecc të dosjes ‘Metamorfoza 3’.
Në bisedat e zbardhura ai kreu veprime që u mësuan teksa komunikonte me personazhe të tjerë të botës së krimit për vrasjen e Durim Bamit.
Sipas regjistrimeve, Avdylaj kishte asistuar Ervis Martinajn dhe deputetin e PS, Arben Ndoka për të vrarë një person nga Nikla, Durim Bamin.
Akuza e ngritur ndaj tij është ajo e ‘sigurimit të kushteve dhe mjeteve për të kryer vrasje, në kuader të grupit të strukturuar kriminal’. a.b
