Kryeministri Edi Rama anashkaloi sot në një konferencë për të drejtën e informimit problemin e madh që ai u ka krijuar mediave dule mbyllur informacionin për gazetarët.
Përveçse ka skuadra me qindra IT dhe disa qindra turma me trollsa që sulmojnë shkrimet kritike ndaj tij dhe qeverisë, ai sërish inkurajoi sot burimet e lajmeve mos ti bëjnë publike të dhënat që disponojnë duke i kamufluar si sekrete hetimore.
”Për mua, ata nuk nxjerrin sekrete hetimore, se nuk i disponojnë. I disponojnë prokurorët. Kur gazetarëve u bie në dorë sekreti, s’është detyrim i tij ta ruajë. Nuk shkon drejt tij hetimi, por drejt atyre që ia dhanë. Është elementare, sepse që në Kanun shkruhet se lajmësi nuk ka faj, kush e prodhoi lajmin ose kush ia dha lajmin, është burimi me të cilin duhet të merresh”, tha Rama pavarësisht se theksoi se “e drejta për informim nuk është sekret hetimor.
Bazur në të gjitha problemet që ekzistojnë në këtë aspekt, Rama paralajmëroi krijimin e një Bordi Kombëtar.
“Është koha të krijojmë një Bord Kombëtar ose komitet, por këtë fjalën komitet e kam pak problem se kam parë shumë komitete dhe kam marrë pjesë në ca syresh dhe më janë dukur se janë krijuar për të mos zgjidhur probleme. Nuk ka vetëdije për dhënien e informacionit në kohë reale dhe kjo gërryen besimin e qytetarëVe. Kjo hap shtretër të tërë lumenjsh për llumin e dezinformimit. Kjo shkel një të drejtë që është e publikut dhe çdo individi. Dhënia e informacionit s’duhet të diskutohet, duhet thjesht dhe vetëm të zbatohet”, tha Rama.
Shqipëria ra në nivelet e lirisë së medias me 30 vende vetëm në rreth 3 vjet duke qënë kështu një ndër vendet ku liria e informimit është e cënuar nga pushteti. a.b
