Detaje të reja janë zbuluar në lidhje me krimin e rëndë në Dhërmi natën e së mërkurës.
Ngjarja ka ndodhur në hotel Greccia ku Eraldo Nevruzi, recepsionist në hotel dyshohet se është ekzekutuar, 30 minuta pas mesnatës.
Trupi i tij ende nuk është gjetur. Policia e Vlorës ka kërkuar me dron më të gjitjë zonën mes Vunoit dhe Dhërmiut.
Dyshimet janë se vrasësi ëshzë Geraldo Shehu, 43 vjeç, lindur në Tepelenë dhe banues në Angli, ndërkohë bashkëpronar i hotel ‘Greccia’ së bashku me vjehrrën e tij Gentjana Nino.
Të dy, Eraldi dhe Geraldi kanë qenë në brendësi të hotelit ‘Greccia’ kur dyshohet se janë konfliktuar dhe Shehu e ka qëlluar Eraldin me 2 plumba. Burimet tjonë se nuk është gjetur asnjë gëzhojë, sepse autori ka i ka hequr. Më pas e ka mbështjellë trupin me çarçaf dhe e ka futur në brendësi të makinës së tij duke e hedhur diku përgjatë udhëtimit të tij drejt Sarandës.
E gjithë ngjarja është filmuar nga kamerat e sigurisë së hotelit. 43 vjeçari më pas është larguar me automjetin tip Audi A8 në drejtim të Greqisë me targa angleze. Shehu teksa kishte prerë biletat për të iku në drejtim të Anglisë. Automjeti i autorit është gjetur në lagjen numër 4 Sarandë.
Pistat të cilat dyshohet se ka ndodhur ngjarja në fjalë janë konflikt i çastit si dhe prishje e pazareve të drogës. Viktima dhe autori kishin njohje në Angli ku dyshohet se mund të jenë përfshirë në botën e krimit. a.b
