Një numër i madh qytetarësh protestuan sot për të nëntën herë para bashkisë së Tiranës duke kërkuar dorëheqjen e kryetarit të bashkisë Erion Veliaj.
Gjatë protestës ata kanë reaguar me zemërim duke hedhur molotov dhe flakadanë në drejtim të godinës.
Anëtari i kryesisë së PD, Belind Këlliçi tha se bashkia e Tiranës është skena më e madhe e krimit në Shqipëri.
“Kjo godinë është sot skena më e madhe e e krimit në Shqipëri. një kryetar bashkie që çdo ditë që shkon në atë zyrë, shkon me bandën 5D, për të vjedhur, taksat tuaja, shkollat tuaja, të ardhmen tuaj.
Ju kishim dhënë fjalën se pas vjedhjes së paprecedentë të 14 majit do të bënim transparencë të plotë mbi atë masakër elektorale dhe financiare që ndodh çdo ditë ën qytetin e Tiranë dhe në të gjithë Shqipërisë.
Vetëm në këto muajt e fundit kemi shpalosur para jush, një skemë vjedhjeje të padëgjuar dhe të pahasur më parë. Deri tani kemi faktuar qytetarëve, por mbi të gjitha SPAK-ut, se si janë paguar 132 milionë euro për një incenerator që nuk ekziston.
Kjo është një vjedhje e paprecedentë, e padëgjuar kurrë më parë, e pahasur kurrë.
Policë bashkiakë! A e dini që drejtori juaj është biznesmen dhe nuk është shërbëtor i qytetarëve dhe i qytetit të Tiranës?! A e dini që Ermal Kapllanaj është një bandit, një hajdut, si gjithë hajdutët e bandës 5D?!
A e dini që në këtë godinë shkojnë hajdutë çdo ditë për të përvetësuar taksat e qytetarëve të Tiranës?! Ndaj ju bëj një ftesë publike, forcave të rendit, Policisë së Shtetit, Policisë bashkiake: rreshtohuni krah qytetarëve, ne po e bëjmë këtë betejë edhe për ju!”, tha Këlliçi.
Ndërsa Sekretari i Përgjithshëm i LSI, Tedi Blushi tha se kjo bashki është marrë peng nga mafia e inceneratorëve.
“Kjo bashki është përvëluar dhe krimi i organizuar ka futur kthetrat në të.
