Një oficere e policisë së Shtetit qëlloi veten për vdekje pasditen e sotme në Tiranë. Ajo ka përdorur armën e shërbimit ndërsa i përkiste komisariatit numër 5 në Tiranë.
Ajo qëlloi veten ndërsa ishte në shtëpi.
Ende nuk dihen detaje në lidhje me shkaqet që çuan efektivën drejt vetëvrasjes ndërsa ngjarja ka ndodhur në rrugën Ali Demi.
“Më datë 24.05.2024, rreth orës 18:30, në rrugën “Ali Demi”, është vetëvrarë me armë zjarri në banesë shtetasja Aldorjana Lushi, 21 vjeçe, punonjëse Policie pranë Komisariatit të Policisë Nr. 5.
Grupi hetimor po punon për sqarimin e rrethanave të ngjarjes”, njoftoi policia e Tiranës. a.b
