2 pereona kërcënuan me armë njëri tjetrin gjatë një sherri në Bushat. Ngjarja ndodhi në një lokal ndërsa erdhi policia dhe mori me vete Gerion Trokalaj dhe Alfred Palushaj.
“Shërbimet e Komisariatit të Policisë Vau i Dejës, ditë e djeshme, pas marrjes së njoftimit për një konflikt të çastit në një lokal në fshatin Bushat, mes 2 shtetasve të cilit kishin kanosur njëri-tjetrin, me armë zjarri, kanë organizuar dhe finalizuar operacionin policor të koduar “Equal”, për parandalimin e përshkallëzimit të konfliktit.
Gjatë operacionit u kapën në flagrancë në lokal dhe u arrestuan shtetasit Gerian Trokalaj, 26 vjeç, banues në Bushat, dhe Alfred Palushaj, 32 vjeç, banues në fshatin Stajkë”, njoftoi policia e Vaut të Dejës.
Në cilësinë e provës materiale u sekuestruan arma e zjarrit automatik dhe arma e zjarrit pistoletë, bashkë me sasi municioni luftarak, që posedoheshin pa leje nga këta 2 shtetas. a.b
