Kongresi amerikan ka miratuar një projektligj përmes së cilit do t’i kërkojë pronarit të Tik Tok të shesë aplikacionin e njohur të mediave sociale ose përndryshe ai do të ndalohet në Shtetet e Bashkuara të Amerikës. Sipas ligjit që kaloi me 360 vota pro dhe 58 kundër, fjalën e fundit për të cilin do ta thotë Senati.
Nisma ligjore erdhi për shkak se Tik Tok-u paraqet rrezik për sigurinë kibernetike pasi autoritetet kineze mund të detyrojnë “ByteDance” të dorëzojë të dhënat e përdoruesve amerikanë, ose ta drejtojë kompaninë të rrisë përmbajtjen e TikTok-ut në favor të interesave të saj.
Më herët kishte disa ligjvënës amerikanë që ishin të shqetësuar se bllokimi i ‘Tik Tok-ut’ mund të zemërojë miliona të rinj që përdorin aplikacionin, grup votuesish ky që vlerësohet si vendimtar në zgjedhjet e nëntorit, por debati tani është zhvendosur tek shitja e aksioneve të kompanisë në Amerikë në mënyrë që që aplikacioni të vazhdojë të funksionojë. Pritet që pronari i Tik Tok ta çojë çështjen në gjykatë ndërsa autoritet kineze pohojnë se Kina pohon se një ndalim i Tik Tok dëshmon pasiguritë e vetë Uashingtonit dhe përbën abuzim të pushtetit. a.b
