Ish gjykatësi, Gjin Gjoni është zgjedhur kryetar i ri i Partisë Demokratike në Lezhë.
Ai fitoi garën me 604 vota përballë dy kandidatëve të tjerë Albert Rrusti me 313 vota dhe Paulin Marku me 131 vota.
Gjoni deklaroi se zgjedhja e tij si kryetar i degës e PD, është një përgjegjësi. Ai tha se situata politike në vend është kritike dhe se PD në Lezhë ka objektiva të qarta duke shtuar se të bashkuar do të vijojnë riorganizimin e partisë dhe fushatën elektorale 2025.
Gjin Gjoni u largua nga sistemi gjyqësor me dorëheqje duke u marrë me biznes privat prej disa vitesh. m.k
