Sot klani Rama përfaqëson klanin më mafioz të Europës, sepse ka pushtetin e një kryeministri, tha kryetari i PD, Sali Berisha gjatë fjalës së tij para protestuesve të mbledhur para apartamentit të tij.
PJESË NGA FJALA E BERISHËS/ A ka kryeministër kund në Europë që të jetë dokumentuar se vëllai i tij ka bërë 18 udhëtime me makinën kryesore të grupit të trafikantëve.
Se vëllai i tij ka marrë pjesë në të gjitha mbledhjet.
Se vëllai i tij, në përgjimin dhe përndjekjen policore regjistrohet si person i paidentifikuar.
Dhe ai të mos thirret njëherë në prokurori.
Dhe dosja e tij të fshihet në arkivat e prokurorisë.
Çfarë mbetet këtu?
Mbetet drejtësia? Ajo nuk ekziston.
Mbetet drejtësia qytetare.
Mbetet verdikti qytetar. Shpëtimi i Shqipërisë!
Mbetet që Edi Rama të shkojë tek trafikantët e tjerë bashkë me vëllain e tij.
A e dini ju miq që grupi tjetër i Xibrakës është sot i tëri i lirë?
Bënë pak kohë burg.
A e dini ju se prokurorët e Edi Ramës, në një akt flagrant antiligjor, nuk apeluan, nuk bënë rekurs vendimit të Gjykatës së Apelit, nga frika se ndonjëri prej tyre po tregonte se në komandë ishte Olsi dhe drejtohej direkt nga Rama.
A do durojmë ne më shumë këtë?
A do pranojmë ne pushtetin e një trafikanti, një krimineli, një klani mafioz?
Sot Edi Rama përfaqëson, klani Rama përfaqëson klanin më mafioz të Europës, sepse ka pushtetin e një kryeministri. r.p
