Kreu i PD, Sali Berisha ftoi fermerët të mbushin rrugët me mjetet e tyre gjatë protestës së 20 shkurtit.
PJESË NGA FJALA E BERISHËS/ Thirrja ime është: o sot o kurrë, të bashkohemi dhe më 20 shkurt t’i japim tiranit atë që meriton.
Kam një thirrje miqësore për të gjithë fermerët e Shqipërisë.
I përgëzoj për protestën që bënë sot. I garantoj se PD çdo kërkesë të tyre, të gjitha kërkesat e tyre, qoftë për barazinë e taksave, qoftë për TVSH-në e inputeve, qoftë për naftën, subvencionin për prodhimet, të gjitha do bëhen realitet.
Por mbushi rrugët me të gjitha mjetet tuaja bujqësore, mbushni sheshet, ejani në Tiranë me 20 shkurt, t’i japim tiranisë së hajnave atë që meritojnë.
Demokrate dhe demokratë, këto ditë përsëri theksoj se ju bëtë mrekullinë, bashkimin e demokratëve.
Kjo frymë bashkimi vendimtare për fitoren tonë, t’u frymëzojë ju kudo që jeni, të ngriheni në këtë betejë, e cila ka për fat fitoren, fitoren, fitoren!
Dhe së fundmi, një mesazh nga Rruga e Shpresës, rruga e dritës, rruga e fitores, Surrelit në errësirë.
E kam fjalën sarajeve të Surrelit dhe jo fshatarëve të Surrelit. Ata i përshëndes dhe i garantoj se shumë shpejt se e keqja që u ka mbirë në derë ju dhe mbarë shqiptarëve, do marrë atë që meriton. r.p
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
