Gjykata e Posaçme Kundër Korrupsionit dhe Krimit të Organizuar shtyu sot seancën për ankimimin e kreut të PD, Sali Berisha, në lidhje me pjesëmarrjen në punimet e Kuvendit.
Seanca e radhës do të zhvillohet më datë 8 shkurt pasi gjyqtarët thanë se ankimi ishte firmusur bga e bija dhe duhej të firmosej nga Berisha.
Pas shtyrjes së seancës në GJKKO, avokati mbrojtës i ish-kryeministrit Berisha, Genc Gjokutaj, është shprehur se qëllimi është djegia e mandatit të Sali Berishës.
“Qëllimi ishte djegia e mandatit të Sali Berishës”,ka deklaruar avokati Genc Gjokutaj. Avokatët e Berishës kanë bërë kërkesë të re për përjashtimin e gjyqtares Irena Gjoka nga gjykimi i dosjes në ngarkim të ish-kryeministrit.
Më herët, avokatët mbrojtës të Sali Berishës ankimuan në Gjykatën e Posaçme Kundër Korrupsionit dhe Krimit të Organizuar rrëzimin e kërkesës nga SPAK për pjesëmarrjen e ish-kryeministrit në seanca parlamentare.
Në vendimin e zbardhur të SPAK thuhet se Kodi i Procedurës Penale nuk parashikon një leje të tillë. Prokurorët theksuan se nevojat që ka vlerësuar gjykata mbi bazë të cilave është caktuar masa “arrest në shtëpi” duhet të mbizotërojnë në raport me tagrin e deputetit ndaj të cilit zhvillohen hetimet për të marrë pjesë në parlament. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
