Salianji propozon amendim në ligjin për amnistinë. A po shkohet drejt votimit në Parlament

Ligji për amnistinë pritet të kalojë në Parlament nëse merret në konsideratë edhe një amendim i paraqitur sot nga deputeti i PD, Ervin Salianji.

Padiskutim që ne kemi interes thelbësor që qytetarët dhe mijëra familje që janë dënuar në mënyrë të padrejtë të përfitojnë, por ne nuk jemi të prirur të votojmë amnistinë e oligarkëve që ndërtojnë mes Tiranës si ai Arlis sh.p.k., që pavarësisht që ndërton 5 kate mu në mes të sheshit Skënderbej, jo vetëm që është në ndjekje penale, jo vetëm që nuk i hyn gjemb në këmbë për t’u prekur nga ligji por ndërkohë tani edhe të amnistohet lehtësisht, ndërkohë që mijëra qytetarë vuajnë sot në burgje se kanë ndërtuar avlli, mure, çati. Apo oligarkë tjerë që kanë marrë qindra e mijëra euro si Salillari përshembull, apo dhjetëra kompani të tjera të cilat kanë ndërtuar ligjin dhe ne t’i japim amnisti tani se i duhet këtyre të PS.

Pavarësisht do ta rikthesoj që është e domosdoshme që mijëra familje të përfitojnë, po kjo nuk është rruga se si depozitohet apo se si shkon situata kur duhet 84 vota. Nuk ka një negociatë, është fjalë e keqpërdorur në këtë vend, por nuk ka një propozim që t’i ketë ardhur opozitës përpara, nuk ka një diskutim paraprak.

E patë edhe sot një teatër tjetër. Nga shtatë deputetët që kanë marrë me dhunë bashkëkryesimin me votat e mazhorancës kishin konfirmuar pjesëmarrjen në mbledhje. Edhe sot u bojkotua mbledhja siç është bojkotuar prej dy vitesh me radhë.

Dua t’ju them që nuk ecet në opozitë, sidomos me këtë opozitë, padiskutim me mua jo e jo, përdorja e segmenteve të drejtësisë që gjasme të frikësojë kundërshtarët, nuk ecet. Po ua them drejtpërdrejt, unë nuk e njoh frikën”, tha Salianji.

Deputeti demokrat që tani është i përfshirë në një proces gjyqësor tha se amnistia përjashton deputetët duke theksuar se është shmangur plotësisht konflikti i interesit. a.b

/DRONI.al/