Opozita ka zhvilluar sot sërish protestën e saj në Parlament duke dështuar edhe një fjalë përshëndetëse nga Presidenti Bajram Begaj.
Sesioni i ri parlamentar ka nisur sërish me kaos, bilbila dhe thirrje të deputetëve të opozitës për të larguar gardën nga salla.
Foltorja në Kuvend ka qënë e bllokuar duke mos lejuar kryetaren Lindita Nikolla të thërrasë në sallë presidentin Bajram Begaj.
Begaj pritej që të mbante fjalën me një mesazh për opozitën dhe mazhorancën, në një kohë kur Kuvendi ka muaj që nuk po funksionon normalisht. Kjo është konsideruar si provokim nga ana e opozitës edhe përmes një deklarate të kreut të grupit parlamentar të PD, Gazmend Bardhi.
Begaj fjalën e tij e mbajti nga Presidenca në orën 18:00.
Ndërkohë, në seancë ishin të pranishëm edhe ambasadori britanik Alastair King-Smith dhe ai gjerman Karl Bergner.
Kuvendi zgjati fare pak minuta duke miratuar ndryshimet në qeveri. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
