Lugina e Preshevës ka arritir të marrë vetëm një deputet në Kuvendin Serb pas votimeve parlamentare që u zhvilluan sot.
Shaip Kamberi, udhëheqës i Partisë për Veprim Demokratik, ka fituar edhe një mandat tjetër me 11.500 vota, e të cilat janë të mjaftueshme për mandatin e ri në Kuvendin e Serbisë.
Ndërkohë, Alternativa Demokratike Shqiptare e Shqiprim Arifit mori vetëm 1,250 vota. Arifi u shfaq gjatë kësaj periudhe në mediat kryesore të Tiranës që mbështeten nga qeveria e Ramës me kritika të forta ndaj Kamberit por edhe kryeministrit të Kosovës, Albin Kurti. Siç duket pa mundur të tërheqë votat e shumicës së shqiptarëve të Luginës.
Në këto zgjedhje, shqiptarët e Luginës së Preshevës nuk kanë arritur të krijojnë një koalicion të përbashkët.
Kështu hynë në garë me dy lista të ndara: “Beteja politike e shqiptarëve vazhdon-Shaip Kamberi” dhe “Alternativa Demokratike Shqiptare-lugina e bashkuar”.
Ndërkaq partia e Vuçiç ka fituar zgjedhjet në Serbi duke mundur opozitën ndërsa kjo e fundit pret të fitojë Beogradin. r.r
