Kryeministri Albin Kurti nuk do të marrë pjesë në tryezën informale në Tiranë të udhëheqësve të rajonit thirrur nga kryeministri Edi Rama.
Kosova pritet të përfaqësohet nga zëvendëskryeministri Besnik Bislimi.
“Kreu i ekzekutivit kosovar, Kurti, sipas një njoftimi nga zyra e tij, të hënën do të jetë në Greqi, ku do të marrë pjesë në edicionin e 25-të të Simpoziumit Ndërkombëtar SYMI, i cili është themeluar nga ish-kryeministri helenik, George Papandreou. Në takimin e së hënës mes udhëheqësve të rajonit, Serbia pritet të përfaqësohet nga kryeministrja Ana Bërnabiq”, raporton REL. a.b
