Kreu i PD, Sali Berisha tha sot se Kolegji Zgjedhor, në një vendim të kontrolluar, shpalli të gjithë zonën e Rrogozhinës të pavlefshme për një qendër votimi.
“Dje, në Kolegjin Elektoral u shqyrtua dosja e Rrogozhinës, në të cilën kutia e burgut të Rrogozhinës nuk plotësonte asnjë kusht ligjor të një qendre të votimit.
Pra, para çdo gjykatësi me minimumin e integritetit profesional, ajo shpallej e pavlefshme. Dhe tani gjykata, në një vendim të kontrolluar, shpalli të gjithë zonën të pavlefshme për një qendër votimi.
A ka logjik njerëzore të dënosh 10 mijë, 15 mijë, sa mund të jenë zgjedhësit e Rrogozhinës, për manipulimin? Në vend që gjykata të kërkonte dënimin si kriminel elektoral të Ulsi Manjës, Erion Veliajt dhe drejtorit të burgut të Rrogozhinës, që stisën qendrën e votimit në burg për të ndryshuar rezultatin.
Berisha ka komentuar edhe votimin në Kuçovë.
“Skandaloz është votimi i dokumentuar në Kuçovë.
Ju do shihni aty të gjithë mekanizmat e manipulimit të votës brenda qendrës së votimit.
Ju do shihni përpjekjet për të fshehur nga KAS këto mekanizma.
Kështu janë pjesa dërrmuese e të gjitha bashkive për të cilat janë paraqitur ankesat.
Pra, edhe njëherë me 14 maj nuk kishte zgjedhje, por farsë zgjedhore”, përfundoi Berisha. r.p
