Kryeministri Edi Rama përmes një reagimi në Twitter ka kundërshtuar edhe sot masat që mori qeveria e Kosovës pas provokimit serb në kufirin verior të Kososvës ku u rrëmbyen nga ushtarakë serbë 3 policë të këtij vendi. I qëndrojmë deskalimit imediat, thotë Rama pas bllokimit të mallrave serbe rë hyjnë në Kosovë.
Postimi i Ramës:
Kush thotë se po heshtim apo kush kërkon t’i hedhim benzinë zjarrit duke ngritur akuza ndërkohë që KFOR-i po investigon rastin, nuk do t’ia dijë as për Kosovën e as për Shqipërinë, po vetëm për luftën e stërhumbur politike me mua apo për politikën e luftës imagjinare me Serbinë
Prandaj më duhet edhe njëherë t’u kujtoj se Shqipëria është pjesë e bashkësisë euroatlantike dhe ka fiks të njëjtën linjë të kësaj bashkësie, e cila bombardoi Serbinë dhe krijoi shtetin e Kosovës! Ne presim fjalën e KFOR-it që po heton rastin dhe i qëndrojmë de-eskalimit imediat! m.k
