‘8 janar’ në mbledhjen e kryesisë së PD në mesnatë, i shpëtojnë pengmarrjes Tabaku dhe Bardhi. Tabaku jep dorëheqjen

Jorida Tabaku ka dhënë në orët e para të mëngjesit të sotëm dorëheqjen si nënkryetare e Partisë Demokratike, pak çaste pasi ia doli ti shpëtonte pengmarrjes të rrugaçëve të ‘dajës’ në mbledhjen e kresisë së grupit të vilës në PD.

Një grup personash të panjohur për kresinë por të njohur për Alibeajn i vunë me detyrim disa anëtarë të kryesisë, të votojnë për zgjedhjen e Lulzim Bashës kryetar me 29 korrik.

Disa prej deputetëve janë sharë e fyer me rob shpie nga grupi i ‘dajës’ dhe më pas janë detyruar të largohen nën sharjet “ju q*fsha robt, votoni”.

Tabaku është shoqëruar nga shoferi i Gaz Bardhit ndërsa pak gazetarë të pranishëm nuk u lanë të filmonin.

Mbledhja e kryesisë zgjati prej më shumë se 8 orësh në kryesinë e PD-së mbrëmjen e djeshme ku në fund 17 anëtarë votuan për hapjen e menjëhershme të garës dhe mbajtjen e zgjedhjeve për kryetar të partisë në 29 korrik.

Tabaku refuzoi pak orë më herët të ishte kryetare e komanduar e partisë deri në zgjedhjen e kryetarit të ri.

Deklarata e Jorida Tabakut

Faleminderit për durimin dhe për pritjen e gjatë. Kryesia e PD mbas një mbedhje 8 orë të gjatë vendosi për të vazhduar përpara me procesin e zgjedhjeve në parti. Kërkesa ime dhe dëshira ka qenë e vetme dhe e thjeshtë, mos nxitohemi dhe t’I japim demokratëve një process të drejtë, real dhe që na nderon.

Të gjithë ishim dakord për faktin që PD duhet të riorganizohet por nuk gjetëm gjuhën e përbashkët për mënyrën se si duhet të riorganizohemi. I kërkova kryesisë të mos marrim vendim të nxituar, çdo vendim i njëanshëm thjesht do të zvogëlojë edhe më shumë partinë tonë dhe nuk do ta zmadhojë atë. Në kushtet që jemi ne nuk kemi luksin të përsërsim të njëjtat gabime!

Pyetja që sot duhet t’i bëjmë vetes është nëse duam një parti të kryetarit apo kryetar për partinë tonë? Ne duhet patjetër të hapim PD, duhet të përpiqemi mos bëjmë procese të njënashme, duhet të përfshijmë këdo.

Me vlerësimet maksimale për deputetët dhe kontributin e tyre, kolegjit të kryetarëve dhe kontributin e tyre dhe të gjithë ato që kanë qëndruar. I premtova anëtarëve të kryesisë që do të qëndroj deri në fund, derisa mund të gjejmë një zgjidhje që i përfshin të gjithë në process. Të mos nxitohemi!

Pas vendimit të kryesisë për të vazhduar procesin zgjedhor, kërkova që të gjejmë një dakordësi për mënyrën si?! Në gjykimin tim veprimet e tilla të njëanshme si në të shkuarën kanë ndikuar në zvogëlimin e PD dhe kanë sjellë në një situatë si kjo e sotmja. Prandaj refuzova të votoj për një vendim që në mendimin tim na dëmnton sot për mënyrën se si po merret dhe në kushtet në të cilat po merret!

/DRONI.al/