Familjarë të kreut të PD në Vaun e Dejës Benard Ndreca thanë sot për mediat se familjari i tyre nuk ka pasur probleme me asnjë person, ndërsa shprehen të lumtur që i afërmi i tyre është shëndoshë e mirë.
“Na ka shpëtuar djali është gjë e madhe. Unë jam tezja. Nuk ka pasur probleme me asnjë. Ka qenë i qetë. Nuk ka shok si veten”- thotë tezja e Benard Ndrecës për euroeës.
Atentati me tritol u shënua mëngjesin e kësaj të marte në Vaun e Dejës ku dy persona të maskuar kanë vendosur sasinë e lëndës plasëse në mjet ndërsa ai shpërthyer sapo ai ka hypur në makinë.
Benard Ndreca në një prononcim për mediat u shpreh se nuk ka konflikte me askënd dhe se ky është një sulm i hapur politik.
Ndërsa Partia Demokratike e Shkodrës ka reaguar në lidhje me shpërthimin me tritol në makinën e kreut të PD, Benard Ndreca, në një postim në rrjetet sociale, duke theksuar se ky akt ishte një kërcënim i hapur në prag të nisjes së fushatës zgjedhore të 14 majit.
“Të gjithë jemi zgjuar të tronditur nga ngjarja kriminale në Bashkinë Vau Dejës, ku një sasi lëndë plasëse ju vendos në automjet kreut të PD-së Vau Dejës Bernard Ndreca. Partia Demokratike dega Shkodër dënon këtë akt të rëndë kriminal i cili vjen drejtëpërdrejtë si një kërcënim i hapur në prag të nisjes së fushatës zgjedhore të 14 Majit. Fatmirësisht kjo ngjarje u mbyll vetëm me dëme materiale, pasi mund të kishte qënë më e rëndë duke patur parasysh faktin që Bernardi ndodhej brenda automjetit.
PD i bën thirrje autoriteteve ligjzbatuese të zbardhin sa më parë këtë ngjarje dhe të vënë para përgjegjësisë autorët. Jo vetëm ekzekutorët e këtij akti por edhe porositësit e tij, ata që duan të mbjellin frikë, panik e terror për të intimiduar demokratët dhe qytetarët e kësaj bashkie. Beteja që kemi nisur nuk do të ndalet nga asnjë skemë kriminale, prandaj qytetarët shqiptarë do ta rrëzojnë me votë në 14 Maj bandën e rilindjes që drejton sot Shqipërinë. Demokratët janë kanë dalë edhe në kohë të vështira dhe përballë cdo regjimi do të shkojmë të vendosur për të mos bërë hapa pas në atë që është e shenjtë, liria dhe demokracia”- thuhet në reagim.
Në lidhje me aktin e rëndë në fushatë zgjedhore ka reaguar edhe qeveria e cila ka mbajtur dorën larg aktit kriminal.
Ministrja e Shtetit për Marrëdhëniet me Parlamentit, Elisa Spiropali, apeloi ndaj organeve ligjzbatuese që të zbardhin sa më parë ngjarjen.
“I kërkoj organeve ligjzbatuese të zbardhin urgjentisht aktin kriminal të vendosjes së tritolit në makinën e Z.Ndreca, në Vaun e Dejës. Përgjegjësit duhet të marrin dënimin e merituar. Ky është akti i dytë kriminal në pak muaj në këtë zonë, pas vendosjes së tritolit jashtë zyrave të OSHEE në Bushat. Është për të ardhur keq që haxhiqamilisti i Vaut të Dejës, Zef Hila, bashkë me atë të Foltores me qera te Partia e Lirisë, Sali Berisha, nuk presin rezultatet e hetimit, por lëshojnë akuza kriminale ndaj kundërshtarit për të rritur kapitalin politik që tashmë u ka shterrur”, shkruan Spiropali në rrjete sociale. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
