Avokat Franc Nuri është shprehur se vendimi i Apelit për vulën e PD-së nuk është i formës së prerë, gjatë një interviste për Euronews Albania.
Ai tha se aktualisht Sali Berisha është kreu I PD, ndërsa shtoi se kanë dorëzuar të gjithë dokumentacionet që të regjistrohet në zgjedhjet e 14 majit.
“Vendimi i Gjykatës së Apelit nuk i ka dhënë vulën askujt. Nuk e ka marrë vulën pala tjetër, nuk është një vendim I formës së prerë. Kryetari I PD-së është Sali Berisha. Kemi dorëzuar të gjithë dokumentet që Berisha të regjistrohet në zgjedhje. Përsa kohë vendimi i Apelit nuk është i formës së prerë, mbetet vendimi i Shkallës së Parë. Vendimi i apelit është akomai pezulluar. Do të bëjmë rekurs. Vendimi i Zhukrit është ende në fuqi. Nuk shohim pengesë që KQZ të mos regjistrojë PD”- theksoi ai.
