Nis mbledhja e dytë e përbashkët mes qeverisë së Republikës së Shqipërisë dhe qeverisë së Malit të Zi
Mbledhja e dytë e përbashkët mes qeverisë së Republikës së Shqipërisë dhe qeverisë së Malit të Zi nisi sot në ndërtesën e re të të Akademisë së Shkencave dhe Arteve të Malit të Zi (CANU), në Podgoricë.
Kryeministri Edi Rama dhe delegacioni i ministrave të kabinetit që e shoqëron u pritën në një ceremoni zyrtare nga Kryeministri i Malit të Zi Driran Abazoviç.
Pas përfundimit të seancës së përbashkët mes qeverive, e cila po zhvillohet aktualisht kryeministri Edi Rama dhe kryeministri i Malit të Zi Dritan Abazoviç do të nënshkruajnë Deklaratën ePërbashkët dhe Marrëveshjen Bilaterale për ndërtimin e urës në lumin Buna.
Gjithashtu do të nënshkruhen edhe disa marrëveshje dhe memorandume në fushat e: energjisë, peshkimit, mbrojtjes së bimëve, mbrojtjes sociale, sportit, kulturës dhe medias, mbrojtjes, shëndetësisë, si dhe Marrëveshja për hapjen e kufirit të përbashkët në kalimin Shën Nikollë – Pulaj në territorin e Republikës së Shqipërisë.
Pas nënshkrimit të marrëveshjeve ndërshtetërore, kryeministrat e dy vendeve Edi Rama dhe Dritan Abazovic do të mbajnë një konferencë të përbashkët për shtyp. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
