Gjatë qëndrimit në Mynih, Ministrja për Evropën dhe Punët e Jashtme, Olta Xhaçka zhvilloi një takim me Sekretarin britanik të Shtetit për Punët e Jashtme, James Cleverly.
Në Mynih ndodhet edhe kryeministri Edi Rama me të cilin diplomati i lartë britanik nuk ka bërë takim.
Në takim u diskutuan rrugët për zbatimin konkret të Komunikatës së Përbashkët të dy Kryeministrave, në të gjitha fushat që ajo mbulon, si zbatimi i kuadrit ligjor për bashkëpunimin në luftën kundër emigracionit të paligjshëm, forcimi i bashkëpunimit ekonomik, etj.
Dy zyrtarët diskutuan gjithashtu lidhur me perspektivat për thellimin e mëtejshëm të bashkëpunimit dy palësh mes dy vendeve.
Bie në sy se gjatë samitit të Sigurisë në Mynih, Edi Rama ka patur vetëm një takim me homologë atë me kryeministrin grek Mitsotakis për shkak të problemit ende të pazgjidhur, shelfit detar mes dy vendeve.
Takimin me Albin Kurtin e ka bërë në një korridor.
Dhe takimi tjetër zyrtar ka qenë me Komisionerin Europian për Marrëveshjen e Gjelbër Europiane, Frans Timmermans, ku u diskutua mbi nevojën për të rritur mbështetjen ndaj Ballkanit Perëndimor
Takimet e tjera kanë qënë korridoreve të Samitit si me gazetaren e CNN, Christiane Amanpour, biznesmenin francez të “Total Energy Group”, Patrick Poyanné.
Kjo është edhw axhenda më e ulët e Ramës në një aktivitet ndërkombëtar, më e ulët se e ministres së tij të Jashtme. m.k
