Ministrja e Infrastrukturës, Belinda Balluku, deklaroi sonte në tv klan se në 2-3 vite do të përfundojnë disa akse rrugësh dhe tyneli i Llogarasë.
Gazetari: Tuneli i Llogarasë, në cilën kohë mund të jetë operativ?
Balluku: Tuneli i Llogarasë do të jetë operativ në fund të vitit 2024.
Gazetari: Pra, rreth 2 vjet nga sot do të jetë operativ për trafikun?
Balluku: Kështu thotë kontrata, mund të jetë më shpejt.
Gazetari: Ndërkohë, lidhja e Thumanës, pra zonës ku mbaron autostrada që shkon në drejtim me Kasharin, kur do jetë operativ?
Balluku: Duhet të jetë për 20 muaj nga sot.
Gazetari: Po Qukës – Qafë Plloça?
Balluku: Qukës – Qafë Plloça ka patur projektin gati por ka pasur problemin e financimit i cili është zgjidhur para 2 muajsh dhe tani ka rifilluar puna atje. Koha kontraktuale është 18 muaj.
Gazetari: Po Elbasan – Qafë Thanë?
Balluku: 24 muaj dhe është lidhur kontrata 3 ditë më parë, kështu që 2 vite nga ky momenti. Jo për segmentin e parë, segmenti i dytë hapet për 2 muaj dhe të gjitha kanë 24 muaj kohë. Kështu që, maksimumi në 3 vite duhet mbyllur i gjithë segmenti.
Afatet e deklaruara nga Balluku zor se bindin apo besohen. Qeveria e majtë ka nisur para 8 vitesh rrugën e Arbrit për të ndërtuar 26 km dhe ende nuk e ka mbaruar përfshirë edhe tynelin e Murrizit për të cilin paguhen vazhdimisht fonde shtesë. Po ashtu është edhe rruga Korçë- Ersekë dhe ajo e Qafë Plloçës. Rrugët nuk përfundojnë për shkak të korrupsionit dhe menazhimot të keq. tvklan
