Ka humbur jetën i moshuari që u godit dje gjatë grabitjes në Klos të Mallakastrës.
89 vjeçari Çaush Shehaj ndërroi jetë sot në spitalin e Fierit.
Detajet:
Në vijim të informacionit për ngjarjen e ndodhur mëngjesin e datës 19.11.2022, në fshatin Klos, Mallakastër, ku shtetasit Ervis Halimi dhe Musa Gudo (të arrestuar nga Policia, disa orë pas ngjarjes), nën kërcënimin e armës dhe dhunës, i morën një shumë parash shtetasit Çaush Shehaj, 89 vjeç, i cili si pasojë e dëmtimeve të marra, ka ndërruar jetë paraditen e sotme, sqarojmë se:
Grupi hetimor, nën drejtimin e Prokurorisë, ka kryer të gjitha veprimet procedurale dhe vepra penale është riklasifikuar “Vjedhja me pasojë vdekjen” parashikuar nga neni 141 i Kodit Penal.
Gjithashtu, sqarojmë se edhe për vjedhjen e ndodhur më datë 18 mars 2021, në banesën e shtetasit Ç. Sh., Policia e Mallakastrës, pas denoncimit të bërë nga shtetasi Ç. Sh., ka kryer të gjitha veprimet procedurale dhe materialet janë referuar në Prokurorinë pranë Gjykatës së Rrethit Gjyqësor Fier, më datë 20 mars 2021, për veprën penale “Vjedhja”, parashikuar nga neni 134/1 i Kodit Penal. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
