Kapet kanabis në Sarandë, ka qenë verë e mbarë për ‘jeshilen’

Gjatë orëve të fundit goditet nga policia e Sarandës 1 rast i tentativës për trafikim të lëndëve narkotike, në Vlorë dhe në Sarandë.

Operacioni policor i koduar “Krane” u finalizua nga Komisariati i Policisë Sarandë. Vihen në pranga 2 shtetas që tentuan të trafikonin lëndë narkotike, në drejtim të Korfuzit. Sekuestrohen 2.7 kg kanabis.

Po nga Komisariati i Policisë Sarandë, bazuar dhe në inteligjencën informative se një shtetas kishte qëlluar me armë zjarri në ajër, gjatë kontrollit të territorit, në vendin e ngjarjes, u gjet dhe u sekuestrua arma e zjarrit automatik. Vijon puna për vënien në pranga të autorit.

Shërbimet e Seksionit për Hetimin e Krimeve në Komisariatin e Policisë Sarandë, në vijim të punës për parandalimin, evidentimin dhe goditjen e veprimtarisë kriminale të shpërndarjes së lëndëve narkotike, mbështetur dhe nga inteligjenca informative se 2 shtetas po tentonin të trafikonin lëndë narkotike në drejtim të Korfuzit, organizuan dhe finalizuan operacionin policor të koduar “Krane”, si rezultat i të cilit u bë arrestimi në flagrancë i shtetasve:

-A. D., 19 vjeç dhe F. S., 16 vjeç, të dy banues në fshatin Shëndëlli, Sarandë.

Pas lokalizimit të automjetit me drejtues shtetasin A. D. dhe pasagjer shtetasin F. S., në vendin e quajtur “Ura e Kdanenë”, shërbimet e Policisë kanë ushtruar kontroll dhe në pjesën e pasme të automjetit kanë gjetur 2. 7 kg lëndë të dyshuar narkotike cannabis sativa, të ndarë në 3 pako të mbështjella me natriban, të cilat u sekuestruan në cilësinë e provës materiale.

/DRONI.al/