Qeveria do financojë për panelet diellore për ngrohjen e ujit me 70 % të shpenzimeve nga buxheti i shtetit.
Do të përfitojnë prej këtij financimi vetëm ata konsumatorë të cilët harxhojnë mbi 250 kw çdo muaj energji elektrike, si dhe ata që trajtohen me ndihmë ekonomike. Ky kriter vlen të paktën për 6 muaj e fundit që nga aplikimi.
Abonenti i cili aplikon për panel diellor nuk duhet të jetë debitor në OSHEE por pranohen edhe ata abonentë familjarë të cilët kanë lidhur një marrëveshje me OSHEE për shlyerjen me këste të detyrimeve të prapambetura.
Nuk përfitojnë nga ky aplikim konsumatorët familjarë banesa e të cilit është e pa legalizuar apo në proces legalizimi.
Qytetarët duhet të aplikojnë online tek faqja e Agjencisë së Eficencës së Energjisë me dokumentacionin përkatës.
Po ashtu konsumatori familjar duhet të plotësojë një formular vetëdeklarimi. Portali bën renditjen e dy mijë aplikimeve të para që pajisen me numrin përkatës në mënyrë automatike.
Brenda 2 ditëve, Agjencia miraton ose refuzon aplikimin dhe njofton aplikuesin në mënyrë elektronike. m.k
