Nxënëset e kolegjit “Mehmet Akif” të mbyllur katër ditë më parë nga qeveria protestuan sot para ministrisë së Arsimit dhe më pas e zhvendosën protestën e tyre para Kryeministrisë.
Protestuesit shfaqën medaljet e marra dhe që kishin edhe firmën e kryeministrit Edi Rama, këto nxënëse i kërkuan ministrisë dhe qeverisë për të rihapur gjimnazin e tyre.
“Do të doja që cdo gjë të ishte makth por një jo realitet i hidhur. Kolegji na mësoi të mbështesim me përgjegjësi të drejtën, se ne mund të jemi një familje ku mund të ndajmë të njëjtat endrra, për të ngritur zërin përballë padrejtësive. Sot shteti po mbyll ëndrrat e një brezi, dogji shtëpinë tonë, hapi një plagë të pashërueshme për ne. Unë guxoj të flas e besoj të forca e fjalës, ne nuk kemi asgjë për të humbur ne jemi e ardhmja e vendit, humbja juaj jemi ne”- u shpreh një prej gjimnazisteve.
Ndërkohë kryeministri Edi Rama ka reaguar për protestën duke theksuar se ministria e Arsimit ka zbatuar ligjin. Ai kërkoi nxënësiz të protestojnë kundër pronarëve që shitën godinën e shkollës dhe e spostuan aktivitetin gjetkë, pa marrë leje sipas ligjit.
Rama: Nxënëset e shkollës së mbyllur të protestojnë kundër pronarëve që shitën godinën e shkollës dhe e spostuan aktivitetin gjetkë, pa marrë leje sipas ligjit e pa respektuar rregullat e parashikuara ligjërisht! Ministria e Arsimit dhe Sportit ka zbatuar ligjin si në raste të tjera.
Në lidhje me protestën ka reaguar edhe Berisha duke u bërë thirrje qytetarëve ti bashkohen protestës së nxënësve.
Berisha: Dua të dënoj edhe njëherë, me ashpërsinë më të madhe qëndrimin cinik, të ulët, të Edi Ramës ndaj shkollave, ndaj arsimit privat në Shqipëri.
Në traditën e tij të gënjeshtrave, Rama u tha shqiptarëve se shkaku i mbylljes ishte se miku i tij, me avionin e të cilit udhëton si taksi, ka blerë godinën.
Gënjeshtar i lindur, i shpifur. Të na thotë pak, kopshtit me 255 nxënës, të gjithë të afërt me moshën e djalit të tij, çfarë kishe me kopshtin, që mbylle?
Unë u bëj thirrje gjimnazistëve të Tiranës, të bashkohen me nxënësit e kolegjit ‘Mehmet Akif’.
U bëj thirrje qytetarëve të Tiranës të mbështesin protestën e tyre, sepse kjo përbën një shkelje flagrante të lirisë së shkollimit. r.p
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
