Një ngjarje e rëndë u shënua në Milano mbrëmjen e djeshme ndërsa 34-vjeçari shqiptar qëlloi ndaj bashkatdhetarëve të tij.
Si pasojë e të shtënave një 23-vjeçar shqiptar humbi jetën, ndërsa një 30-vjeçar u plagos.
“Duket se molla e sherrit ka qenë një grua. Festa e ditëlindjes, disa gota dhe përpjekjet për t’iu afruar një gruaje”, shkruan Corriere della sera.
Detajet nga Corriere:
Ngjarja e përgjakshme ndodhi rreth orës 23:30. Tre shqiptarët e përfshirë në sherr kanë qenë pjesë e një grupi bashkatdhetarësh që festonin ditëlindjen. Duket se gjatë festës një nga të rinjtë e pranishëm ka shfaqur interes ndaj një gruaje në grup.
Për këtë arsye ka lindur një sherr, i cili më pas ka rezultuar në të shtëna me armë, të cilat përfunduan në tragjedi. 34-vjeçari ka nxjerrë armën dhe ka qëlluar fillimisht 30-vjeçarin, duke e lënë të plagosur. Më pas pjesëmarrësit e tjerë të festës rrethuan sulmuesin, i cili qëlloi disa herë të tjera dhe një nga plumbat kapi 23-vjeçarin.
I riu ka ndërruar jetë pak orë më vonë në spital, pasi plumbi i kishte dëmtuar arterien karotide. Autori i dyshuar u neutralizua nga karabinierët, të cilët kanë sekuestruar pamjet filmike në zonë për të bërë të mundur zbardhjen e plotë të rrethanave të ngjarjes. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
loading...
Loading...
