Kryeministri, Edi Rama lajmëroi sot në një dalje të drejtëpërdrejtë se çmimi i energjisë elektrike do të rritet për të gjithë ata që do shpenzojnë më shumë se 800 kwh në muaj.
Po ashtu qeveria ka rritur pagën minimale ndërsa do të ketë indeksim të pagave për administratën.
Po ashtu ka një riindeksim të pensioneve, rritje ndihmës ekonomike si dhe rritje të pagës për policinë.
Ndërkaq qeveria nuk ka ulur asnjë taksë.
Paketa e Ramës:
“Rritja edhe një herë e pagës minimale nga 32 në 34 mijë lekë, nuk do të ketë pagë më të ulët.
Ndërkohë qëndrojmë në 3 pikat që kishte paketa tjetër, mbështetja naftë pa taksa për fermerët, për TVSH-në e peshkimit dhe mos prekja e çmimit të biletës së transportit.
Sigurisht ka një por të madhe, nisur nga analiza e fashave të konsumatorëve, janë mbi 90% konsumatorë më pak se 800 kw për orë, rreth 6% të totalit që konsumojnë më shumë kiloëatt, që kanë vila, pishina, oborre për të cilët ka ardhur koha që s’mund të paguajë më buxheti i shtetit. Çdo kilovat mbi 800 do paguhet me çmimin e tregut.
Do kemi një riindeksim të pensioneve të llogaritur me normën e inflacionit që shkon në 6%. Kjo do ndodhë edhe për personat me aftësi të kufizuar, edhe për të kemi indeksimin e përvitshëm.
Do rrisim edhe njëherë me 10% ndihmën ekonomike, ndërkohë që do dyfishohet ndihma ekonomike për gratë kryefamiljare me dy fëmijë. Do të vazhdojmë programin e rritjes së pagave siç është paralajmëruar për sektorët qeveritarë, me buxhetin e vitit të ardhshëm. Pasi rritëm pagat për ushtarakët, mjekët dhe mësuesit, do t’i rrisim përsëri. Sot me ndërhyrjen e dytë, do rrisim pagat për administratën që nuk ishin prekur prej shumë kohësh dhe jo pa qëllim. Do rrisim po ashtu për policinë e shtetit dhe të burgjeve. Po ashtu do rrisim pagën minimale nga 32 në 34 mijë lekë. a.b
