Ka nisur në Berat puna për rigjenerimin e banesave në kuadër të Programit Kombëtar të Efiçencës Energjitike, ndërkohë që po shtrihet në shumë qytete të vendit, si në Durrës, Peshkopi, Elbasan, Korçë, Vlorë, Orikum e Shëngjin.
Përmes projektit punohet për rigjenerimin e banesave me sistemet kapot, termoizolimin, hidroizolimin e tarracave, heqjen nga tarracat dhe qendërzimin e depozitave të ujit, panelet diellore, masa që ulin deri në 30% konsumit e energjisë dhe lehtësojnë ngarkesën në rrjet
Kryeministri Edi Rama ishte sot në Berat për të ndjekur nga afër punën që po bëhet në fasadat e 17 pallateve në një prej lagjeve të tij.
Drejtori i Fondit Shqiptar të Zhvillimit Dritan Agolli shtoi se programi është shtrirë në të gjithë Shqipërinë. “Ka filluar me qytetet kryesore. Sot që flasim jemi duke punuar në Durrës, jemi duke punuar në Peshkopi, jemi duke punuar në Elbasan, në Korçë, në Vlorë ashtu siç jemi duke vlerësuar dhe zona turistike si Shëngjini, Orikumi, dhe nga pikëpamja e eficencës së energjisë.” r.p
