Një 51 vjecar shqiptar vrau të shoqen me thikë për arsye xhelozie në një ishull grek të Jonit.
Ngjarja ndodhi në Zakynthos, ndërsa 51-vjeçari është vendosur në pranga më në fund pasi u gjet nga policia në një ullishtë afër banesës ndërsa rrëfeu edhe arsyen e krimit.
Sipas tij, ai e kishte vrarë gruan e tij pasi kjo e fundit e kishte tradhtuar.
“Së fundmi kisha marrë vesh se më tradhtonte. Prandaj isha bërë i dhunshëm ndaj saj. Natën pas ngjarjes zbrita në mal, në Bohali. S’e kuptova që e kisha vrarë. Më vjen keq, por fatkeqësisht s’munda të bëja asgjë tjetër. Ajo më tradhtoi dhe unë e humba kontrollin”, është shprehur ai para policisë.
Shqiptari e ka goditur gruan e tij me thikën e kuzhinës, duke e prerë në qafë dhe në gjoks. Megjithëse gruaja kishte bërë padi më parë ndaj bashkëshortit të saj dhe kishte marrë urdhër mbrojtjeje që ai nuk duhej t’i afrohej 100 metra nga shtëpia ku banonte, kjo nuk e ka penguar atë të kryejë krimin e tmerrshëm, transmetojnë mediat greke.
Ai ishte arrestuar më parë në muajin qershor për dhunë në familje por më pas ishte lejuar duke marrë vetëm paralajmërimin që t’i mos i afrohej gruas së tij më pak se 100 metra.
Ngjarja e tmerrshme ka ndodhur në orët e vona të së dielës, kur pas orës 23:00 policia ka marrë një telefonatë se një 41-vjeçare ishte vrarë. Kur policia ka mbërritur në shtëpi ka gjetur gruan të mbuluar me gjak dhe pranë saj një thikë kuzhine.m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
