Ministria e Brendshme e Britanisë së Madhe ktheu sot në Shqipëri 26 shqiptarë të dënuar për krime të ndryshme duke nisur që nga rrëmbimi, trafiku i drogës dhe goditjes së një oficeri britanik.
Shqiptarët kthehen pas marrëveshjes që u nënshkrua kohë me parë nga sekretatja e Brendshme e Britanisë dhe qeverisë shqiptare.
Të gjithë të dënuarit me plot 88 vjet burg gjithsej janë rikthyer sot në vendin tonë përmes fluturimit charter me avion. Tre prej këtyre personave kishin hyrë ilegalisht në Mbretërinë e Bashkuar, të tjerët janë dënuar me 20 vite burg për trafik droge ndërsa një tjetër ishte dënuar me më shumë se 4 vite burg për rrëmbim dhe sulm ndaj personit, njofton policia e shtetit.
Një tjetër shqiptar rezultonte i dënuar me pesë vjet burg për armëmbajtje pa leje, ndërsa një tjetër që bën pjesë në listën e të dëbuarve kishte hyrë në Britani muajin e fundit me anë të gomones për një jetë më të mirë.
Gjithashtu, një tjetër u kap për trafik droge gjatë një kontrolli rutinë. Sipas policisë, ai kishte mbërritur në Mbretërinë e Bashkuar nga Gjermania duke përdorur një pasaportë false, por nuk mbante mend se kur kishte hyrë në vend. Ai pranoi të rikthehej vullnetarisht në Shqipëri.
“Këta kriminelë janë përgjegjës për veprat e trafikimit të drogës dhe armëve, ata po shkatërrojnë familjet dhe komunitetin tonë. Ata kanë shkelur ligjet dhe vlerat tona, ata kanë krijuar plagë në shoqërinë tonë me krimet e tyre. Ne po vazhdojmë të largojmë kriminelët e huaj dhe ata që nuk kanë të drejtë të qëndrojnë këtu’” është shprehur Sekretarja e Brendshme angleze, Priti Patel. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
